លិខិតឆ្លងដែន៖ ជាកូនសៀវភៅតូចមួយដែលមើលទៅធម្មតាៗ តែវាពិតជាមានសារៈសំខាន់ណាស់ ដើរតួជាឯកសារសម្គាល់ ក្នុងការធ្វើដំណើរអន្តរជាតិឆ្លងពីប្រទេសមួយទៅកាន់ប្រទេសមួយទៀត និងផ្តល់សិទ្ធិដល់ម្ចាស់លិខិតឆ្លងដែននូវសិទ្ធិធ្វើដំណើរជាក់លាក់ទៅកាន់គោលដៅណាមួយ។ ថ្លៃដើមនៃការបោះពុម្ពកូនសៀវភៅនេះគឺស្រដៀងគ្នាទេ សម្រាប់ប្រទេសនីមួយៗ ប៉ុន្តែទៅលើតម្លៃនៃការស្នើ និងធ្វើវាសម្រាប់ពលរដ្ឋគឺមានភាពខុសគ្នាច្រើនសម្រាប់ប្រទេសទាំងអស់នោះ។ 

ប៉ុន្តែតើអ្នកធ្លាប់គិតដែរទេថា តើវាមានតម្លៃថោកឬថ្លៃ ជាពិសេសនៅពេលដែលគិតគូរពីតម្លៃប្រៀបធៀបនៃការធ្វើវា ទៅតាមប្រទេសនីមួយៗ?

បើយោងតាមប្រភពពី SavingSpot បានឆ្លងកាត់ការរុករកនិងទិន្នន័យជាច្រើន ដែលបង្កើតបានជាលទ្ធផលគួរឱ្យចាប់អារម្មណ៍។ ក្នុងតម្លៃ ៧៤ ដុល្លារអាមេរិកតម្លៃមធ្យមនៃលិខិតឆ្លងដែន ពិតជាមិនមានការប្រែប្រួលខ្ពស់គួរឱ្យកត់សម្គាល់នៅជុំវិញពិភពលោក និងទូទាំងប្រទេសអភិវឌ្ឍន៍ទេ។ 

ដោយប្រើអត្រាប្តូរប្រាក់ដុល្លារនៅខែមករាឆ្នាំ ២០២១ ខាង SavingSpot នេះបានស្វែងរកទិន្នន័យដែលមាន សម្រាប់ប្រទេសនីមួយៗ ដើម្បីស្វែងរកតម្លៃជាក់លាក់របស់លិខិតឆ្លងដែន សម្រាប់ប្រទេសនីមួយៗ។

កន្លែងដែលលិខិតឆ្លងដែនត្រូវបានគេផ្តល់ជូនក្នុងទំហំផ្សេងៗគ្នា (ចំនួនទំព័រ) និងកាលបរិច្ឆេទផុតកំណត់ ដោយជម្រើសនៃទំព័រតិចបំផុត និងសុពលភាពវែងបំផុតត្រូវបានជ្រើសរើស។ ដោយកញ្ចប់ទឹកប្រាក់ចំនួន ៨០០ ដុល្លារអាមេរិកក្នុងការធ្វើវា ប្រទេសស៊ីរី (Syria) ជាប្រទេសដែលមានលិខិតឆ្លងដែនថ្លៃបំផុតក្នុងពិភពលោក។

លទ្ធភាពទទួលបានលិខិតឆ្លងដែន

គន្លឹះក្នុងការសិក្សា ក៏ជាកត្តាដែលអាចទទួលបានសម្រាប់ប្រទេសនីមួយៗផងដែរ។ ជាការពិតណាស់ ប្រាក់ដុល្លារនៅអាមេរិកខាងជើង មិនដូចដុល្លារនៅអាហ្វ្រិកកណ្តាលទេ។ ដូច្នេះដើម្បីចងក្រងតម្លៃសមរម្យ ប្រាក់ឈ្នួលក្នុងមួយម៉ោងជាមធ្យម ត្រូវបានគេយកមកពិចារណា ដើម្បីបង្ហាញពីតម្លៃលិខិតឆ្លងដែនគិតជាម៉ោងធ្វើការ។

ស្ថិតនៅលេខរៀងលើគេក្នុងបញ្ជីគឺ Malawi ដែលលិខិតឆ្លងដែនដែលមានតម្លៃ ១១៨ ដុល្លារ ត្រូវការពេលវេលាធ្វើការជាង ៩៨៣ ម៉ោង ដើម្បីទិញ/ធ្វើ លិខិតឆ្លងដែននេះ។

ផ្ទុយទៅវិញសម្រាប់ Madagascar ជាប្រទេសមានលិខិតឆ្លងដែនតម្លៃថោកបំផុត ឬអាចនិយាយបានថាមានតម្លៃសមរម្យបំផុត - ឬអាចតម្រូវធ្វើដោយឥតគិតថ្លៃទៀតផង។

ចំនួនបណ្តាប្រទេសរបស់អឺរ៉ុប កាន់តែមានស្ថេរភាពជាងមុន ដោយរដ្ឋសមាជិកសហភាពអឺរ៉ុបស្ទើរតែទាំងអស់ ត្រូវការពេលធ្វើការលើសពី ១០ ម៉ោង សម្រាប់លិខិតឆ្លងដែនរបស់ពួកគេដោយ Romania គឺជាករណីលើកលែងតែមួយគត់។ នេះគឺជាវិធីខ្លះដែលនាំឱ្យមានការយល់ច្រឡំបន្តិចបន្តួច ពីព្រោះពលរដ្ឋសហភាពអឺរ៉ុបជាច្រើន មិនមានលិខិតឆ្លងដែនទេ ខណៈដែលពួកគេត្រូវបានអនុញ្ញាតឱ្យធ្វើដំណើរទៅកាន់បណ្តាប្រទេសសហភាពអឺរ៉ុបផ្សេងទៀត ដោយប្រើអត្តសញ្ញាណប័ណ្ណសញ្ជាតិរបស់ពួកគេតែប៉ុណ្ណោះ ដែលជាញឹកញាប់គឺចំណាយតិចជាងលិខិតឆ្លងដែនទៀតផង។

ប្រសិនបើអ្នកទាំងអស់គ្នាចង់ដឹងពីស្ថិតិបន្ថែម អ្នកអាចចូលទៅមើលលទ្ធផលនៃទិន្នន័យទទួលបានពី SavingSpot’s study (https://www.cashnetusa.com/blog/cost-passport-nearly-every-country/) ផងដែរ។