ក្រុមហ៊ុនស្ថាបត្យកម្ម Carlo Ratti Associati (CRA) កាលពីមុនបានរចនារោងចក្រប៉េងប៉ោះ ដែលសាងសង់ចេញពីដបកែវទឹកប៉េងប៉ោះជាច្រើន ដូច្នេះវាមិនខុសគ្នាឡើយសម្រាប់គម្រោង សារមន្ទីរកាបូនហ្វៃប័រ (Carbon Fiber museum) របស់ក្រុមហ៊ុនស្ថាបត្យកម្មដដែលនេះ។ ក្រុមហ៊ុននឹងសាងសង់សារមន្ទីរថ្មីនេះ យ៉ាងណាក៏ដោយ ត្រូវតែប្រើ …. កាបូនហ្វៃប័រ នៅខាងក្នុងមូលដ្ឋានរបស់គម្រោង។ ដោយសន្មតថា វាដំណើរការទៅមុខតាមការគ្រោងទុក សារមន្ទីរនេះនឹងក្លាយជាកន្លែងដែលក្រុមហ៊ុន CRA ហៅថាជាទីតាំងនៃបច្ចេកវិទ្យា Acrylic fiber ធំជាងគេបង្អស់នៅក្នុងពិភពលោក (World’s largest archive of acrylic fiber technology)។

សារមន្ទីរដែលមានឈ្មោះថា “MAE Museum” ត្រូវបានរចនាឡើងដោយមានការសហការជាមួយនឹង Italo Rota ហើយនឹងមានទីតាំងនៅតំបន់ Piacenza ប្រទេសអ៊ីតាលី។ ជាការពិត អគារនេះនឹងមិនត្រូវបានផលិតពីសរសៃកាបូនទេ ប៉ុន្តែសារមន្ទីរនឹងតាំងនៅ ដោយមានឃ្លាំងខាងក្នុងដែលមានស្រាប់ ដែលកំពុងត្រូវបានកែលម្អ។ សារមន្ទីរ MAE នឹង ពាក់ព័ន្ធនឹងការជួសជុលឃ្លាំងចាស់មួយនៅ Piacenza ប្រទេសអ៊ីតាលី។

ទោះបីជាផ្ទៃខាងក្នុងនឹងត្រូវបានរចនាថ្មីទាំងអស់ ហើយភាគច្រើនត្រូវបានសាងសង់ដោយប្រើសរសៃកាបូនហ្វៃប័រ ដែលភាគច្រើននឹងត្រូវកែច្នៃឡើងវិញ។ អ្នកទស្សនានឹងចូលទៅក្នុងផ្នែកទីមួយ តាមរយៈច្រកចូលដូចទៅនឹងការបើក វាំងននជាមួយនឹងខ្សែរ៉ូតដ៏ធំមួយ។

CRA ពន្យល់ថា “នៅក្នុងផ្នែកទីមួយនៃសារមន្ទីរ អ្នកទស្សនានឹងជួបប្រទះឃ្លាំង មនុស្សយន្ត (Robotic archive warehouse) ដែលត្រូវបានបំភ្លឺដោយពន្លឺពណ៌សដ៏ចែងចាំង និងពោរពេញទៅដោយឯកសារប្រវត្តិសាស្ត្ររបស់ MAE។  បណ្តុំនៃអាវុធមេកានិច (Mechanical arms) ជាបន្តបន្ទាប់ ធ្វើចលនាតាមជញ្ជាំង ដើម្បីទាញយករូបថតឯកសារបច្ចេកទេស និងយុទ្ធនាការពីប្រវត្តិសាស្ត្រ ៥០ ឆ្នាំរបស់ម៉ាកនេះ ហើយនាំរបស់ទាំងនេះទៅលើកឡើងនៅវេទិកាកណ្តាល ដែលអ្នកទស្សនាអាចអង្គុយ និងមើលតាមរយៈពួកគេ។”

ក្រុមហ៊ុនបានបន្ថែមថា "បន្ទាប់ពីនោះ អ្នកទេសចរឆ្លងកាត់ច្រករបៀងដ៏វែងមួយ ដែលពួកគេអាចសង្កេតមើលដំណើរការដែល acrylic fiber ត្រូវបានផ្លាស់ប្តូរទៅជាសរសៃកាបូនហ្វៃប័រ។ នេះត្រូវបានបន្តដោយផ្នែកទីពីរ នៃសារមន្ទីរដែលបង្ហាញដល់ការប្រើប្រាស់ជាតិ Fiber នៅក្នុងឧស្សាហកម្មសហសម័យ។ នៅក្នុងបន្ទប់ខ្មៅ សម្បូរដោយការតម្លើងដ៏ស៊ីជម្រៅ សំណុំនៃវត្ថុបង្កើតឡើងដោយដៃមានអន្តរកម្មរវាងគ្នា ស្វែងយល់ពីកម្មវិធីពិសោធន៍នៃជាតិសរសៃកាបូនហ្វៃប័រ និងបង្ហាញពីគម្រូដើម ប្រកបដោយភាពច្នៃប្រឌិតបំផុត ដែលផលិតដោយក្រុមហ៊ុនផលិតរថយន្ត និងក្រុមហ៊ុនអាកាសចរណ៍ ឬយានអវកាស។” 

យើងមិនទាន់មានព័ត៌មានថាតើពេលណា ដែលសារមន្ទីរ MAE នឹងត្រូវបញ្ចប់នោះទេ ប៉ុន្តែ CRA បានបញ្ជាក់ប្រាប់យើងថា គម្រោងនេះត្រូវបានគេរំពឹងថានឹងទទួលបានការអនុញ្ញាត ហើយព័ត៌មានបន្ថែមអាចនឹងមាននៅឆ្នាំក្រោយ។

គួររំលឹកផងដែរថា ឧទាហរណ៏ផ្សេងទៀតនៃគម្រោងថ្មីៗពីក្រុមហ៊ុនស្ថាបត្យកម្មអ៊ីតាលីមួយនេះ រួមមាន Elevated Park និង Portable ICUs ដែលធ្វើពីកុងតឺន័រដឹកជញ្ជូន។