យោងតាមប្រព័ន្ធផ្សព្វផ្សាយក្នុងស្រុក របស់ឥណ្ឌូណេស៊ីបានរាយការណ៍ថា ប្រទេសឥណ្ឌូណេស៊ីគ្រោងនឹង នាំចេញអង្ករទៅក្រៅប្រទេស ឱ្យបានចំនួន ២០០.០០០ តោននៅខែក្រោយនេះ។ ជាក់ស្ដែង ផែនការនេះ ត្រូវបានប្រកាសដោយ ប្រធានាធិបតីឥណ្ឌូណេស៊ី លោក ចូកូ វីដូដូ នៅក្នុងកិច្ចប្រជុំមួយ ជាមួយប្រធានទូទៅ នៃគណបក្សនយោបាយ ចំនួនប្រាំពីរនៅវិមានរដ្ឋ នៅមុនពេលមាន ការរុះរើគណៈរដ្ឋមន្ត្រី កាលពីសប្តាហ៍មុន នេះបើយោងតាមកាសែតហ្សាការតាគ្លូបល។

ដូចគ្នានេះដែល តាមទិន្នន័យពីទីភ្នាក់ងារស្ថិតិកណ្តាល (BPS) បានបង្ហាញថា ប្រទេសឥណ្ឌូណេស៊ីបានប្រកាស ពីអតិរេកផលិតកម្មស្រូវ ក្នុងរយៈពេល ៣ ឆ្នាំ ចុងក្រោយនេះ ហើយបាននាំចេញសរុបចំនួន ៤ លានតោនក្នុងអំឡុងពេលនោះ។ ទិន្នន័យ BPS បានបង្ហាញថា ប្រទេសនេះផលិតអង្ករបាន ១៤,៦ លានតោនក្នុងអំឡុង ខែមករាដល់ខែមេសាឆ្នាំនេះ ដោយកើនឡើង ៧,៧% ពីចំនួន ១៣,៦ លានតោន ក្នុងរយៈពេលដូចគ្នាកាលពីឆ្នាំមុន។ ក្នុងអំឡុងពេល ៤ ខែដំបូង ប្រទេសឥណ្ឌូណេស៊ីបាន នាំចេញអង្ករប្រមាណ ៤៤០.០០០តោន ផងដែរ៕