ទោះបីរង្គោះរង្គើសេដ្ឋកិច្ចពិតមែន តែតម្លៃអចលនទ្រព្យនៅក្រុងប៉េកាំង ពុំមានបញ្ហាគួរឲ្យព្រួយបារម្មណ៍ឡើយ

បើទោះបីជាបច្ចុប្បន្នសេដ្ឋកិច្ចរបស់ចិន ធ្លាក់ចុះក៏ពិតមែន តាមរយៈការបង្ហាញនៃកម្រិង GDP កាលពីដើមខែកក្កដា កន្លងទៅនេះក៏ពិតមែន តែមិនមែនគ្រប់អាជីវកម្មក្នុងស្រុកទាំងអស់បានដាំក្បាលចុះទាំងអស់ឡើយ ព្រោះផ្នែកខ្លះក៏នៅតែមានសកម្មភាពប្រក្រតីធម្មតា។ ក្នុងនោះ បើយោងតាមប្រភពព័ត៌មានក្នុងស្រុករបស់ចិន បានចុះផ្សាយឲ្យដឹងថា តម្លៃអចលនទ្រព្យ មិនបានរងសម្ពាធពីបញ្ហាសេដ្ឋកិច្ចបច្ចុប្បន្ននេះឡើយ តាមរយៈរបាយការណ៍ចុះផ្សាយ ដោយក្រុមហ៊ុនអចនទ្រព្យអន្តរជាតិ JLL មានទីស្នាក់ការកណ្ដាលនៅប្រទេសចិន បានបង្ហាញឲ្យដឹងថា អចលនទ្រព្យកម្រិតខ្ពស់ (High-end) នៅតែរក្សាតម្លៃខ្លួនដដែល ដោយពុំមានការធ្លាក់ចុះ ឬកើនឡើងអ្វីឡើយ។

ប្រភពដដែលបានបន្តឲ្យដឹងដូច្នេះថា តម្លៃនៃខុនដូ កម្រិតខ្ពស់ នៅទីក្រុងប៉េកាំង ពុំរងផលប៉ះពាល់ខ្លាំងនោះទេ ដោយតម្លៃជាក់ស្ដែងមានការធ្លាក់ចុះតែ ០,% តែប៉ុណ្ណោះ បើធៀបទៅនឹងឆ្នាំ ២០១៨ កន្លងទៅ ស្របពេលដែល ប្រភេទអចលនទ្រព្យតម្លៃថ្លៃៗ ផ្សេងទៀត បានឡើងថ្លៃប្រមាណជា ០,% នៃត្រីមាសទី ១។ ស្ថិតក្នុងផលវិជ្ជមាននៃតម្លៃអចលនទ្រព្យនៅប៉េកាំងនេះ លោក Li Chengwen ប្រធានផ្នែកលក់ នៃក្រុមហ៊ុនអភិវឌ្ឍន៍អចលនទ្រព្យកម្រិតខ្ពស់ CATHAY ប្រចាំតំបន់ បានឲ្យដឹងដូច្នេះថាអ្នកដែលកំពុងស្វែងរកទិញអចលនទ្រព្យបច្ចុប្បន្ន ភាគច្រើនគឺជាអ្នក មានគោលបំណងផ្លាស់ប្ដូរលំនៅដ្ឋានរស់នៅឲ្យមានភាពល្អប្រសើរឡើងជាងមុន ដែលបានមកពឹងពាក់ផ្នែកលក់នៃក្រុមហ៊ុន ដើម្បីស្វែងរកផ្ទះថ្មី ដែលមានគុណភាពអាចទុកចិត្តបាន ជាមួយតម្លៃទីផ្សារបច្ចុប្បន្ន 

ស្ថិតក្រោមគម្រោង ដែលបានបើកលក់កាលពីខែវិច្ឆិកា ចុងឆ្នាំ ២០១៨ កន្លងទៅ ឃើញថា របាយការណ៍នៃការលក់មានការកើនឡើងដល់ ៩៥% ស្របពេលតម្លៃលក់ក្នុងមួយម៉ែត្រការ៉េមានតម្លៃដល់ទៅជាង USD ១៩,១១៨ ក្នុងមួយម៉ែត្រការ៉េ ដែលសុទ្ធសឹងជាអចលនទ្រព្យមានតម្លៃថ្លៃៗ ដូចជាខុនដូ និងផ្ទះតម្លៃរាប់លានដុល្លារជាដើម។ លោក Li Chengwen បានបន្ថែមទៀតត្រង់ចំនុចនេះថាភាគច្រើន អ្នកមកទិញខុនដូ ឬផ្ទះ គឺមកពីវិស័យហិរញ្ញវត្ថុ ដែលមានភាពសុទិដ្ឋិនិយមទៅលើទីផ្សារបំផុត ហើយអ្នកវិភាគឯករាជ្យ នៃវិស័យអចលនទ្រព្យបានធ្វើការសន្និដ្ឋាន និងជឿជាក់ថា តម្លៃខុនដូ និងផ្ទះនៅទីក្រុងប៉េកាំង នឹងនៅតែបន្តមានតម្លៃស្ថេរដដែល រហូតដល់ចុងឆ្នាំ ២០១៩ នេះតែម្ដង។ 

ផលវិជ្ជមាននេះ គឺជារបាយការណ៍សម្រាប់តែនៅទីក្រុងប៉េកាំងប៉ុណ្ណោះ ស្របពេលដែលគោលនយោបាយថ្មីស្ដីពី “One City, One Policty” របស់ចិន ត្រូវបានអនុម័ត និងដាក់ឲ្យអនុវត្ត ដែលអាជ្ញាធក្នុងតំបន់រំពឹងទុកថា នឹងជួយឲ្យតម្លៃមានភាពបត់បែនជាងមុន ឆ្លើយតបទៅនឹងតម្រូវការទីផ្សារបច្ចុប្បន្ន ពិសេសរៀបចំផែនការ សម្រាប់ទីផ្សារនាថ្ងៃអនាគតផងដែរ។