មានវាមួយនេះ (Trollaby) នឹងអាចឲ្យអ្នកសម្រាកបានស្រួលរាប់ម៉ោង និងនៅគ្រប់ទីកន្លែងទៀតផង!

ប្រសិនបើអ្នកជាអ្នកធ្វើដំណើរច្រើន ដើរលេងជិះយន្តហោះច្រើនទៅជុំវិញពិភពលោក អ្នកប្រាកដជាធ្លាប់បានឃើញវា។ វាត្រូវបានគេប្រើ និងពេញនិយម នៅតាមព្រលានយន្តហោះ ព្រោះនៅទីនោះ ត្រូវការពេលច្រើនម៉ោងក្នុងការរង់ចាំជើងហោះហើរ មុននឹងត្រូវដល់ម៉ោងចេញដំណើរ។ 

ប្រសិនបើអ្នកកំពុងរង់ចាំរាប់ម៉ោងហើយ ត្រូវការគេងបន្តិច ឲ្យមានផាសុកភាពមិនខុសពីការគេងនៅលើពូកទន់ៗនោះ Trollaby នេះអាចជួយបាន។ វាត្រូវបានបម្រុងទុករួចជាស្រេចក្នុងការផ្តល់ការផ្តល់ឲ្យអ្នក នូវតង់សម្រាក ដ៏មានផាសុកភាព ដែលខ្ចប់ជាកញ្ចប់មកជាមួយនឹងថង់ផ្លាស្ទិច។

Trollaby ត្រូវបានបង្កើតឡើងដោយសហគ្រិនជនជាតិអូទ្រីស លោក “Marc Brugger” ហើយឈ្មោះ Trollaby នេះបានយកចេញមកពីពាក្យ “Trolley” ដែលដូចទៅនឹងវ៉ាល់លីដែលមានកង់ និង “Lollaby” បញ្ចូលគ្នា។

វាត្រូវបានវេចខ្ចប់ជាមួយនឹងថង់ផ្លាស្ទិចស្វិតរាងជាចតុកោណ ដែលមានទំហំប្រហែលនឹងកុំព្យូទ័រយួរដៃមួយអញ្ចឹងដែរ។

អ្នកអាចយកវាតាមខ្លួនបាន ដាក់នៅក្នុងវ៉ាលីទៅគ្រប់ទីកន្លែង ទោះនៅជិតឬឆ្ងាយ ឲ្យតែអ្នកត្រូវការសម្រាកនៅតាមផ្លូវ ឬនៅតាមទីកន្លែងណាមួយ។ គ្រាន់តែត្រដោះវាចេញ វានឹងចេញរាងបែបនេះ ដោយមានការរឹតភ្ជាប់ជាមួយនឹងខ្សែក្រវ៉ាត់នីឡុងយ៉ាងតឹងជាមួយនឹងបង្គោលធ្នើអាលុយមីញ៉ូមតូចៗមាំ គ្របពីលើមិនឲ្យចាំងផ្នែក និងផ្នែកខាងក្រោមជាពូកទន់ៗ ស្តើងសម្រាប់ផ្តល់ផាសុកភាពក្នុងការគេងផងដែរ ឲ្យអ្នកទទួលអារម្មណ៍ថា វាដូចជាតង់ពិតប្រាកដ។ នៅផ្នែកខាងលើ វាមានទំហំក្តោបប៉ុនវ៉ាល់លី ដែលតម្រូវឲ្យយើងដាក់វ៉ាល់លីទៅខាងក្នុង ចៀសវាងពេលគេងលក់ មានការលួចរបស់របរជាដើម។ 

Trollaby មានទម្ងន់ 900 ក្រាម ឬ 2lbs នេះមិនទាន់រាប់បញ្ចូលពីពូកនៅឡើយទេ។ បើសិនជាអ្នកមានចំណាប់អារម្មណ៍ អាចរកទិញវាបាននៅតាមគេហទំព័រ Kickstarter ដែលវាមានតម្លៃប្រមាណ $78 €69 សម្រាប់គ្រោងទាំងមូល និងតម្លៃ $89 មានមួយឈុតរួមទាំងពូកទន់ៗស្តើងនៅផ្នែកខាងក្រោមផងដែរ។