សៀមរាប៖ គ្រឹះស្ថានអង្គរ ទទួលបានប្រាក់ចំណូលចំនួន ១៣ ១៦៧ ៧៧៨ដុល្លារ ពីការលក់បណ្ណចូលទស្សនា រមណីយដ្ឋានអង្គរ ប្រាសាទកោះកេរ និងកំពង់ផែចុងឃ្នៀស ជូនភ្ញៀវទេសចរបរទេសចំនួន ២៧៩ ៦០៤នាក់ ក្នុងរយៈពេល ២ខែដំបូងនៃឆ្នាំ ២០២៥ នេះបើយោងតាមរបាយការណ៍ ដែលចេញផ្សាយដោយគ្រឹះស្ថានអង្គរ កាលពីថ្ងៃទី២ ខែមីនា ឆ្នាំ២០២៥។

ប្រាក់ចំណូលដែលទទួលបានខាងលើនេះ គឺជាចំនួនកើនឡើងប្រមាណ ១៧,២១% បើប្រៀបធៀបនឹងរយៈដូចគ្នាកាលពីឆ្នាំ២០២៤។

គ្រឹះស្ថានអង្គរ ក៏បានឲ្យដឹងផងថា ប្រាក់ចំណូលចំនួន ៥៥៩ ២០៨ដុល្លារ ត្រូវបានឧបត្ថម្ភ ដល់មូលនិធិគន្ធបុប្ផាកម្ពុជា គិតត្រឹមរយៈពេល២ខែដូចគ្នា។

ដូចគ្នានេះដែរ រយៈពេល២ខែដើមឆ្នាំ២០២៥ដូចគ្នា គ្រឹះស្ថានអង្គរ ទទួលបានចំណូល ពីការលក់សំបុត្រ នៅប្រាសាទបេងមាលាចំនួន ៣៧ ១១០ដុល្លារ ភ្នំក្បាលស្ពាន ១ ៦៩០ដុល្លារ និងចំណូលពីលក់សំបុត្រទូក ២៤០ ១៤៣ដុល្លារផងដែរ។ 

ប្រភព៖ គ្រឹះស្ថានអង្គរ