ខណៈដែលរស់នៅក្នុងការហាមឃាត់ ប្រុងប្រយ័ត្ន និងគំរាមកំហែងខ្លាំងដោយសាររោគរាតត្បាតកូវីដ-១៩ នៅទូទាំងសកលលោក ផែនការរបស់អ្នកដំណើរជាច្រើនត្រូវបានលុបចោល ហើយពួកគេក៏រងគ្រោះដោយសម្ពាធផ្លូវចិត្តក្នុងកម្រិតមួយខ្ពស់ទៀតផង។ ទន្ទឹមនឹងរក្សាការរស់នៅដោយប្រុងប្រយ័ត្ន មនុស្សមួយចំនួនធំ មិនដែលភ្លេចពីការសម្រាកលំហែ និងតែងតែមានក្តីសុបិន្ត ក៏ដូចជាគិតទុកជាស្រេច សម្រាប់គោលដៅដែលពួកគេប៉ងទៅកម្សាន្ត បន្ទាប់ពីមេរោគដ៏អាក្រក់នេះបានស្រាកស្រាន្ត ឬត្រូវបានបង្រ្កាប ដោយជោគជ័យ។

នៅក្នុងអត្ថបទនេះ ក្រុមការងារយើងនឹងលើកយកគោលដៅនៃដំណើរកម្សាន្តដ៏អស្ចារ្យទាំង ៩ ដែលអ្នកអាចពិចារណាបាន សម្រាប់ទុកជាគម្រោងបន្ទាប់ពីប្រព័ន្ធទេសចរណ៍ត្រឡប់មកប្រក្រតីវិញ។ ទីតាំងទាំងនោះក៏ត្រូវបានគេដាក់ក្នុងបញ្ជីជាគោលដៅដែលគួរទៅកម្សាន្ត យ៉ាងហោចណាស់បានម្តង (Once-in-a-lifetime Trip) ផងដែរ។  

១/ Napa Valley, រដ្ឋកាលីហ្វ័រញ៉ា សហរដ្ឋអាមេរិក

Napa គឺជាគោលដៅមួយក្នុងចំណោម ៩ ដែលត្រូវបានគេរាប់ជាគោលដៅដែលគួរមកកម្សាន្តឲ្យបានម្តងក្នុងជីវិត និងជាកន្លែងដែលអ្នកមកកម្សាន្តហើយ ចង់ត្រឡប់មកវិញជារៀងរាល់ឆ្នាំ។ បន្ទាប់ពីការតស៊ូឆ្លងកាត់ប្រឆាំងនឹងរោគរាតត្បាត និងបណ្តាលមកពីភ្លើងឆេះព្រៃផងនោះ Napa បានកសាងឡើងវិញ ហើយភាពធន់ និងទេសភាពកកើតឡើងវិញរបស់តំបន់នេះ គឺត្រូវបានដាក់បង្ហាញនៅតាមសណ្ឋាគារ ភោជនីយដ្ឋាន និងកន្លែងលក់ស្រា នៅតំបន់នោះ។  អ្នកដំណើរអាចចាប់ផ្តើមពេលវិស្សមកាលនៅ Napa បានដូចជានៅ Solage, Auberge Resorts Collection នៅឯ Calistoga នៃរដ្ឋកាលីហ្វ័រញ៉ា។  Calistoga ត្រូវបានគេស្គាល់ថាជាកន្លែងលាយចម្រុះគ្នា នៃបណ្តុំវិថីដែលមានហាងស្រាជាច្រើនអមតាមផ្លូវ និងភោជនីយដ្ឋានលំដាប់ខ្ពស់ (Michelin-starred restaurants) មួយចំនួនផងដែរ។ អ្នកដំណើរអាចស្នាក់នៅតាមសណ្ឋាគារប្រណិតល្អៗ អាចអនុញ្ញាតឲ្យយកសត្វចិញ្ចឹមចូលបាន ថែមទាំងមានអាងហែលទឹកអមជាមួយនឹងទេសភាពស្រស់ស្អាតនៅក្នុងតំបន់ផងដែរ។  នៅ Calistoga អ្នកក៏នឹងបានឃើញផងដែរនូវ Four Seasons Napa Valley ដែលត្រូវជាប្រេនដំបូង នៅក្នុងប្រទេសស្រា (Wine country) ស្ថិតភាគខាងជើង រដ្ឋកាលីហ្វ័រញ៉ា ដែលជាកន្លែងដែលអ្នកអាចញ៉ាំស្រាដ៏មានឱជារស និងបរិភោគអាហារនៅកន្លែងដ៏ប្រណិត។

២/ Paterson, អាហ្វ្រិកខាងត្បូង

សម្រាប់តំបន់វាលខ្សាច់នៃអាហ្វ្រិកខាងត្បូង គឺពិតជាមិនដូចនឹងកន្លែងផ្សេងទៀតទេ។ ចំពោះដំណើរកម្សាន្តមកដល់ឧទ្យានជាតិ Kruger National Park គឺជាបទពិសោធន៍ដ៏ជិតស្និទ្ធជាមួយធម្មជាតិ និងជីវិតនៃសត្វព្រៃដ៏អស្ចារ្យ។  Shamwari Private Game Reserve នៅក្នុងតំបន់ Paterson នៃប្រទេសអាហ្វ្រិកខាងត្បូង ផ្តល់ជូននូវហ្គេមពីរ សម្រាប់លេងប្រចាំថ្ងៃ ដែលនឹងនាំភ្ញៀវទេសចរ ក្នុងការស្វែងរកសត្វព្រៃចំនួន ៥ ដែលគេហៅថា Big Five (ក្នុងនោះមានដូចជាសត្វរមាសខ្មៅ តោ ខ្លារខិន ដំរី និងក្របីព្រៃ)។ សត្វទាំងនេះពិតជាមានដើមកំណើត និងបម្រុងទុកជាស្រេចនៅលើទឹកដីនេះ។ កាលពីមុនប្រភេទសត្វទាំង ៥ នេះក៏ធ្លាប់បានចាកចេញពីតំបន់នេះអស់ តែក្រោយពីពេលបង្កើតទីតាំង Shamwari Private Game Reserve កាលពីឆ្នាំ ១៩៩០ រួចមក ពួកវាក៏ផ្លាស់ទីមករស់នៅក្នុងតំបន់នេះវិញ។ Shamwari Private Game Reserve ក៏ជាកន្លែងដែលមានកន្លែងស្នាក់នៅបែប Lodge ដ៏ប្រណិតចំនួន ៨ ហើយមានតែភ្ញៀវម្នាក់ មកពី Lodge នីមួយៗទាំង ៨ នេះប៉ុណ្ណោះ ទើបអនុញ្ញាតឲ្យចូលមកកាន់ Safari នេះបាន។ សម្រាប់ Lodge ថ្មីបំផុតដែលមានឈ្មោះថា Sindile គឺទទួលបានចំណាត់ថ្នាក់ផ្កាយ ៥ ដែលបន្ទប់ស្នាក់នៅក្នុងនោះមានទាំងអាងហែលទឹក និងទេសភាពនៃព្រៃឈើធម្មជាតិ ដែលអ្នកក៏នឹងអាចឃើញសត្វកវែង កំពុងតែស៊ីស្លឹកឈើ នៅជិតនឹងមាត់បង្អួចរបស់អ្នក។

៣/ Loire Valley ប្រទេសបារាំង

ការជិះរថភ្លើងរយៈពេលមួយម៉ោង នឹងនាំអ្នកចេញពីទីក្រុងប៉ារីស ទៅផ្នែកខាងជើងនៃ Pays de la Loire ជាកន្លែងដែលអ្នកនឹងរកឃើញនូវ château ដែលធ្លាប់ស្ថិតនៅក្រោមកម្មសិទ្ធិនៃការគ្រប់គ្រងរបស់ឯកជន។ សណ្ឋាគារ Château du Grand Lucé បានបើកជាសាធារណៈនៅឆ្នាំ ២០១៩ ប៉ុន្តែអគារចំណាស់នេះមានអាយុកាលតាំងពីឆ្នាំ ១៧៦០ ហើយត្រូវបានដាក់ពាសពេញដោយរូបចម្លាក់ ដែលបានប្រគល់ទៅឱ្យក្រុមហ៊ុនអចលទ្រព្យ Louis XV។ មិនមានអ្វីបញ្ជាក់បន្ថែមនៅក្នុងបញ្ជីនេះទេ ប៉ុន្តែវាត្រូវបានឲ្យដឹងថា ទីនេះដូចជាទីកន្លែងដែលរាជវង្សធ្លាប់ស្នាក់នៅ ក្នុងពេលអតីតកាល។ ខណៈពេលដែល Loire Valley ត្រូវបានគេស្គាល់ថាជាកន្លែងល្បីល្បាញខាងផលិតស្រារបស់បារាំង ដំណើរកម្សាន្តនេះគឺសម្តៅអំពីដំណើរជីវិត château ការជិះកង់ និងដើរលេងនៅ Jardin Exotique ដែលពោរពេញទៅដោយផ្កាយ៉ាងស្រស់ស្អាត និងស្វែងយល់ពីទីក្រុងជុំវិញ ដែលមានវប្បធម៌ជាច្រើននៃ Grand Lucé។

៤/ Perez Zeledon, Costa Rica

ខណៈពេលដែលមនុស្សមួយចំនួន អាចត្រូវទាក់ទាញ ដោយរមណីយដ្ឋានឆ្នេរខ្សាច់នៅ Costa Rica អ្នកខ្លះចៀសវាងពីកន្លែងក្តៅ ដែលមានភ្ញៀវទេសចរច្រើន ហើយរត់គេចខ្លួនទៅ Perez Zeledon, Costa Rica។ ដោយមានទេសភាពធម្មជាតិស្រស់បំព្រងជាង ១៥០ ហិចតា អ្នកនឹងមានកន្លែងជាច្រើនដើម្បីរុករក និងដើរកម្សាន្ត រួមមានកសិដ្ឋានកាហ្វេ ភូមិកុលសម្ព័ន្ធដាច់ស្រយាល និងព្រៃភ្នំខៀវស្រងាត់។ Hacienda AltaGracia ជារមណីយដ្ឋានថ្មីមួយ ពីការប្រមូលផ្តុំ Auberge Resorts គឺជាច្រកចេញចូលរបស់អ្នក ទៅកាន់ឋានសួគ៌ធម្មជាតិ ដោយវាគ្រោងបើកទ្វារនៅចុងឆ្នាំ ២០២១។ ភ្ញៀវទេសចរតាមវិធីរបស់ Caballista ដោយជិះសេះ និងរីករាយនឹងវាលខ្សាច់របស់អ្នក នៅតាមដងទន្លេរៀងរាល់ព្រឹក។ មានអារម្មណ៍ថាការផ្សងព្រេងកាន់តែច្រើន? ចាកចេញពីទីធ្លាទាំងអស់ ហើយធ្វើដំណើរទៅកាន់ជើងហោះហើរដ៏អស្ចារ្យមួយរបស់រមណីយដ្ឋាន ដើម្បីទទួលបានទេសភាពពីលើអាកាស នៅគ្រប់តំបន់ព្រៃត្រូពិចរបស់ Costa Rica។

៥/ Sardinia, ប្រទេសអ៊ីតាលី

ប្រហែលជាកន្លែងដែលមានឆ្នេរខ្សាច់ជាងគេ នៅក្នុងប្រទេសអ៊ីតាលី (ហើយប្រាកដជាមានផ្កាយច្រើនជាងគេនៅពេលយប់ផងដែរ) Sardinia ជាកន្លែងដែលមានឆ្នេរខ្សាច់ពណ៌ស ដែលមានទឹករលកថ្លាចាំងរលោង និងមានរមណីយដ្ឋានប្រណិតដ៏ល្អឥតខ្ចោះ សម្រាប់ការត្រឡប់មកធ្វើដំណើរកម្សាន្តវិញ។ Baglioni Resort Sardinia ទើបតែបើកនៅខែមិថុនាឆ្នាំ ២០២១ ថ្មីៗនេះទេ ហើយត្រូវបានគេរៀបចំជាកន្លែងអភិរក្សសមុទ្រដ៏ស្រស់ស្អាត ខណៈដែលសណ្ឋាគារ Pitrizza ផ្តល់នូវវីឡាកម្រិតខ្ពស់ ដែលធានានូវភាពស្ងប់ស្ងាត់និងភាពឯកជន។ សម្រាប់អ្នកដែលបានមកសម្រាកនៅសណ្ឋាគារ Hotel Cala di Volpe ទទួលបានបទពិសោធន៍មើលឃើញ សំណង់អគារបុរាណដែលបានកែច្នៃថ្មីនៅលើកោះ Costa Smeralda ។ អចលនទ្រព្យនេះត្រូវបានកែលម្អថ្មី និងជាផ្ទះរបស់មេចុងភៅ Nobuyuki Matsuhisa នៃភោជនីយដ្ឋានដ៏ល្បីឈ្មោះ Matsuhisa។

៦/ ទីក្រុងក្យូតូ ប្រទេសជប៉ុន

ទីក្រុងក្យូតូ ជាទីតាំងដ៏ទាក់ទាញបំផុតមួយ ជាគោលដៅទីក្រុងអាស៊ីដ៏លេចធ្លោហើយជាកន្លែងឈប់សំចតមួយ ដែលចាំបាច់បំផុតនៅពេលធ្វើដំណើរទៅប្រទេសជប៉ុន។ ទស្សនីយភាពសណ្ឋាគារប្រណិតរបស់ពួកគេបន្តកើនឡើង ក៏ដូចជាសមត្ថភាពធ្វើម្ហូបជាច្រើនប្រភេទក្នុងទីក្រុង នៅពេលដែលភ្ញៀវទេសចរកាន់តែច្រើន អាចដឹងថាវាងាយស្រួលក្នុងការធ្វើដំណើរទៅក្យូតូ មុននឹងបន្តដំណើរទៅកាន់ផ្លូវតូក្យូរបស់ពួកគេ។ ដើម្បីឲ្យការធ្វើដំណើររបស់អ្នក ទៅកម្រិតមួយដែលបំភ្លេចមិនបាន FUFU Kyoto ថ្មីផ្តល់ជូននូវភាពប្រណិតដ៏អស្ចារ្យនៅលើរមណីយដ្ឋាន Japanese ryokan របស់ជប៉ុន។ FUFU ជាកន្លែងសម្រាកងូតទឹកក្តៅឧណ្ឌៗ (onsen) ហើយតាមពិតទៅ ក្យូតូជាភោជនីយដ្ឋានដែលមានប្រភពគ្រឿងផ្សំក្នុងស្រុក និងរៀបចំម្ហូបបែបប្រពៃណីជប៉ុនជាមួយទេសភាពបែបទំនើប និងស្រស់ស្អាត។ បន្តការរុករករបស់អ្នកជាមួយនឹងក្យូតូដោយមុជចូលទៅក្នុងវប្បធម៌ Kaiseki (អាហារពេលល្ងាចបែបជប៉ុនខ្ពស់) នៅភោជនីយដ្ឋានដូចជា Kyoto Kitcho Arashiyama ជាដើម។

៧/ Taghazout Bay, Morocco

ការរុករក និងដំណើរកម្សាន្តនៅ Morocco លើការធ្វើដំណើរនៅតាមកន្លែងជាច្រើនដូចជា Marrakech, Casablanca, Rabat, Fez និងកន្លែងដែលចម្រុះដោយទេសភាពចម្រុះពណ៌ផ្សេងទៀត។ វាគឺជាសេចក្តីប្រាថ្នាសម្រាប់អ្នកទេសចរជាច្រើននៅក្នុងពិភពលោក។ ប៉ុន្តែអ្នកធ្វើដំណើរមិនគួរខកខានទៅកាន់ South Morocco ដែលជាកន្លែងមានចម្ងាយ ២០០ ម៉ាយល៍នៅភាគខាងត្បូងនៃ Marrakech ជិត Agadir អ្នកនឹងឃើញ Taghazout Bay ដែលជាភូមិនេសាទមួយ និងមានកន្លែងសម្រាកលំហែប្រណិតៗជាច្រើននៅលើឆ្នេរ Morocco។ សម្រាប់កន្លែងដ៏ទាក់ទាញផ្សេងទៀត ដែលអ្នកអាចត្រូវកក់បាន គឺឆ្នេរ Fairmont Taghazout ទើបតែបានបើកដំណើរការនៅខែកក្កដាឆ្នាំ ២០២១ ជាមួយនឹងវីឡាឆ្នេរខ្សាច់ដ៏ប្រណិត និងឈុតសម្រាប់ការហែលទឹកសមុទ្រជាច្រើនប្រភេទ។ នៅសណ្ឋាគារថ្មី អ្នកនឹងទទួលបានការបង្ហាញជាគម្រូនៃការធ្វើបដិសណ្ឋារកិច្ច បែបមជ្ឈឹមបូព៌ានិងអាហ្រ្វិក ជាមួយនឹងអាងហែលទឹកនិងទីធ្លាដ៏ស្រស់ស្អាត ហើយលាតសន្ធឹងនៅឆ្នេរសមុទ្រអាត្លង់ទិច នៃប៉ែកអាហ្វ្រិកខាងជើងទៀតផង។

៨/ Turks and Caicos

សម្រាប់អ្នកដែលមានបំណងធ្វើដំណើរកម្សាន្ត ទាក់ទងនឹងឆ្នេរខ្សាច់ពណ៌សលាតសន្ធឹងវែងឆ្ងាយបំផុត Turks and Caicos គឺជាចំណុចកំពូលនៃគោលដៅសុបិន្តក្នុងតំបន់ Caribbean។ ពីច្រាំងនៃ Grace Bay ដល់កោះឯកជន ជាច្រើនដូចជា Parrot Cay នោះ Turks and Caicos ផ្តល់នូវបទពិសោធន៍ដ៏ល្អបំផុតនៅសមុទ្រការ៉ាប៊ីន។ ដំណើរកម្សាន្តដែលត្រូវកក់ទុកនៅពេលខាងមុខនេះ ប្រាកដជាសណ្ឋាគារ Ritz-Carlton, Turks and Caicos។ សណ្ឋាគារនេះទើបតែបានបង្ហាញខ្លួននៅខែមិថុនាឆ្នាំ ២០២១ ជាមួយនឹងឈុតទេសភាពមហាសមុទ្រ, ក្លិបកម្សាន្តជាច្រើនជាន់, អាងហែលទឹក ២ និងកន្លែងស្ប៉ាមួយ ក្នុងចំណោមការផ្តល់ជូនរបស់កោះដទៃទៀត។

៩/ Sendona, Arizona

ជ្រមុជខ្លួនអ្នកនៅក្នុងវប្បធម៌របស់ Sendona (healing culture of Sedona) ក្នុងពេលខាងមុខ និងអនុញ្ញាតឲ្យអ្នកដែលចូលចិត្តឡើងភ្នំ មិនខកបំណងឡើយ ដោយរកឃើញនូវសម្រស់ធម្មជាតិនៃថ្មក្រហម និងទេសភាពដ៏ស្រស់ស្អាតដែលស្ថិតនៅជុំវិញ។ នៅ Enchantment Resort, Trail House ដែលទើបនឹងបើកថ្មីភ្ជាប់អ្នកជាមួយមគ្គុទេសក៍ ដែលនឹងទទួលយកបទពិសោធន៍នៃទេសភាពខាងក្រៅពិតប្រាកដដែលអ្នកត្រូវការ មិនថាអ្នកកំពុងរៀនជិះកង់លើភ្នំដើម្បីយកឈ្នះការភ័យខ្លាចនៅពេលដែលអ្នកស្ថិតនៅលើទីតាំងខ្ពស់ ឬដើរឡើងភ្នំដោយឆ្លងកាត់ legendary Sedona energy vortexes ។ ហើយសម្រាប់បទពិសោធន៍ប្រណិតថ្មី ដែលគោរពដល់ទេសភាព Sendona ដ៏អស្ចារ្យ សូមក្រឡេកមើលទៅ Ambiente, សណ្ឋាគារទេសភាព (Landscape Hotel) ដែលផ្តល់ជូននូវទេសភាពថ្មក្រហមលាតសន្ធឹងឆ្ងាយ និងផ្នែកដំបូលឯកជនមួយ ដែលមានរណ្តៅភ្លើង។