នៅលើភពផែនដីយើងនេះ គ្របដណ្ដប់ទៅដោយផ្ទៃទឹកស្ទើរតែ ៧០% ក៏ប៉ុន្តែសម្រាប់ប្រភពទឹកសាបដែលអាចប្រើប្រាស់បាន គឺមានមិនដល់ ៣% ផង ដូចនេះហើយបានជាទន្លេ ដើរតួនាទីយ៉ាងសំខាន់នៅក្នុងទឹកសាប ព្រោះវាជាប្រភពទឹកសាបធំជាងគេ។ លើសពីនេះ ទន្លេក៏ជាផ្លូវទឹកដ៏សំខាន់សម្រាប់ការដឹកជញ្ជូនទំនិញធ្ងន់ៗ និងធ្វើដំណើរដោយមិនចាំបាច់សាងសង់ផ្លូវផងដែរ។ ថ្ងៃនេះ យើងនឹងមកស្គាល់អំពីទន្លេសំខាន់ៗទាំង ១០ នៅលើពិភពលោក ដែលសុទ្ធសឹងជាផ្លូវទឹកសំខាន់ និងបានផ្ដល់ប្រភពយ៉ាងច្រើនដល់ពិភពលោក។

1. ទន្លេ Amazon

ទន្លេ Amazon ជាទន្លេដែលធំលំដាប់ទី ១ និងវែងលំដាប់ទី ២ លើពិភពលោក មានប្រវែងវែងដល់ ៦,៤០០ គីឡូម៉ែត្រឯណោះ ដោយហូរកាត់តាមប្រទេស Bolivia, Peru, Colombia, Venezuela, Brazil និងតំបន់អេក្វាទ័រ ហើយវាក៏ចាក់ចេញទៅមហាសមុទ្រអាត្លង់ទិច។ ទន្លេ Amazon បានក្រសោបយកទឹកសាប ១/៥ ទៅហើយនៅលើពិភពលោក ហើយទន្លេនេះក៏ជាប្រភពត្រីជាងច្រើនជាង ៣,០០០ ប្រភេទកំពុងរស់នៅផងដែរ។

2. ទន្លេ Nile

ទន្លេនីល ជាទន្លេវែងជាងគេលើពិភពលោក ដែលមានប្រវែង ៦,៦៥០ គីឡូម៉ែត្រហូរកាត់តាំងពីទ្វីបអាហ្វ្រិចខាងកើត រហូតដល់សមុទ្រមីឌីទែរ៉ាណេ។ ទន្លេនីលមានដៃទន្លេ ២ គឺទន្លេនីលខៀវចាប់ផ្ដើមពីបឹង Tana ប្រទេស Ethiopia និងទន្លេនីលស ចាប់ផ្ដើមពីបឹង Great Lakes កណ្ដាលទ្វីបអាហ្វ្រិច។ ទន្លេនីលបានផ្ដល់ប្រវត្តិសាស្ត្រដ៏រុងរឿងដល់ពួកជនជាតិអេហ្ស៊ីបកាលពីសម័យបុរាណ មកដល់បច្ចុប្បន្ននេះក្នុងការប្រកបការដាំដុះដំណាំនៅលើដីមានជីជាតិរបស់វា។

3. ទន្លេ Yangtze

ទន្លេ Yangtze គឺជាទន្លេវែងជាងនៅក្នុងប្រទេសចិន និងលំដាប់ទី ៣ នៅលើពិភពលោក ដែលវាលាតសន្ធឹងតាំងពីតំបន់ភ្នំទឹកកកនៅខាងកើតខ្ពស់រាបទីបេ ទៅដល់សមុទ្រចិនខាងត្បូង ដែលមានប្រវែងសរុប ៦,៣០០ គីឡូម៉ែត្រ។  ទន្លេ Yangtze គឺជាប្រភពទឹកដ៏ធំក្នុងប្រទេសចិន ហើយគេក៏បានធ្វើទំនប់វារីអគ្គិសនីដើម្បីផ្គត់ផ្គង់ភ្លើងក្នុងប្រទេសផងដែរ ជាពិសេសទន្លេ Yangtze គឺជាផ្លូវទឹកដ៏សំខាន់សម្រាប់ដឹកនាំចេញចូលទំនិញរវាងចិន និងបរទេសតាមច្រកសមុទ្រចិនខាងកើត។ តំបន់តែស្អាតបំផុតសម្រាប់ទន្លេនេះគឺតំបន់ Yangtze Gorges។

4. ទន្លេ Danube

ទន្លេ Danube គឺជាទន្លេសំខាន់បំផុតនៅទ្វីបអឺរ៉ុប ជាទន្លេបែងចែកព្រំប្រទល់លំដាប់ទី ២ នៅទ្វីបអឺរ៉ុបផងដែរ។ វាបានបែងចែករវាងចក្រភពរ៉ូម៉ាំង និងអឺរ៉ុប ដែលចាប់ផ្ដើមហូរតាំងពីព្រៃខ្មៅនៅអាល្លឺម៉ង់ រហូតមកដល់សមុទ្រខ្មៅ ឆ្លងកាត់ ៤ តំបន់ធំៗមានប្រវែង ២,៨៥០ គីឡូម៉ែត្រ។

5. ទន្លេ Ganges

ទន្លេ Ganges ត្រូវបានហូរតាំងពីតំបន់ជួរហិម៉ាលៃប្រទេសឥណ្ឌា រហូតដល់តំបន់ដីសណ្ដរ និងដីឥដ្ឋប្រទេស Bengal។ អ្វីដែលសំខាន់បំផុតពីទន្លេនេះគឺនៅក្នុងសាសនាហិណ្ឌូ ទន្លេនេះត្រូវបានចាត់ទុកជាទន្លេទេពដ៏ពិសិដ្ឋរបស់ព្រះ និងមាគ៌ាមួយសម្រាប់អ្នកកាន់សាសនាហិណ្ឌូក្នុងការជ្រមុជទៅក្នុងទន្លេ ដើម្បីអាចជៀសផុតពីបាបកម្ម។ លើសពីនេះ ទន្លេនេះក៏បានផ្ដល់នូវដីមានជីជាតិសម្រាប់ដាំដំណាំ ហើយទីក្រុងអធិរាជបុរាណក៏បានសង់តាមបណ្ដោយទន្លេនេះផងដែរ។

6. ទន្លេ មេគង្គ

ទន្លេមេគង្គជាទន្លេវែងបំផុតលំដាប់ទី ១២ និងសំខាន់បំផុតនៅក្នុងតំបន់អាស៊ីអាគ្នេយ៍ដីគោក។ វាមានប្រវែង ៤,៣៥០ គីឡូម៉ែត្រ ដែលហូរតាំងពីខ្ពស់រាបទីបេកាត់តាមតំបន់ Yunnan ប្រទេសចិន, ឡាវ, ថៃ, មីយ៉ាន់ម៉ា, កម្ពុជា និងវៀតណាម។ ទន្លេមេគង្គ អាចហៅបានថាជាអាងស្ដុកទឹកទន្លេមេគង្គដែលមានជីវចម្រុះរស់ នៅយ៉ាងច្រើនបន្ទាប់ពីទន្លេ Amazon និងផ្ដល់ដីមានជីជាតិសម្រាប់ប្រកបការងារដំណាំ លើសពីនេះវាក៏ជាប្រភពទឹកសាបសំខាន់បំផុតរបស់ប្រទេសទាំង ៦ ដែលវាហូរកាត់ផងដែរ។

7. ទន្លេ Zambezi

ទន្លេ Zambezi ជាទន្លេវែងទី ៤ ក្នុងទ្វីបអាហ្វិច ដែលមានប្រវែង ៣,៥៤០ គីឡូម៉ែត្រ ហូរចាប់ពីតំបន់ដីភក់ Black wetland ភាគខាងពាយព្យប្រទេស Zambia រត់ទៅដល់ប្រទេស Angola កាត់តាមប្រទេស Botswana, Namibia, Zimbabwe, និងប្រទេស Zambia មួយខ្សែទៀតចាក់ទៅមហាសមុទ្រឥណ្ឌា។ ទន្លេនេះមានជីវចម្រុះជាច្រើនផងដែរ ពិសេសគឺមានដំរីទឹកច្រើនជាងទន្លេដទៃទៀត។ តំបន់ទឹកធ្លាក់ Victoria នៅក្នុងទន្លេ Zambezi ក៏បានជាប់ក្នុងតារាងទឹកធ្លាក់អស្ចារ្យបំផុតទាំង ១០ លើលោកផងដែរ។

8. ទន្លេ Volga

សហភាពអឺរ៉ុបចាត់ទុក Volga ជាទន្លេវែងបំផុតរបស់គេ ចំណែកសហព័ន្ធរុស្ស៊ីចាត់ទុកវាជាទន្លេសំខាន់បំផុតក្នុងប្រទេសរបស់គេ។ នៅក្នុងប្រទេសរុស្ស៊ី មានរដ្ឋធានីធំៗចំនួន ២០ ហើយនៅក្នុងនោះ ១១ រដ្ឋធានាស្ថិតនៅតាមបណ្ដោយទន្លេនេះ រួមទាំងទីក្រុង Moscow ផងដែរ។ ទន្លេ Volga បានហូរកាត់ចាប់ពីតំបន់ភ្នំ Valday កម្ពស់ ២២៥ ម៉ែត្រលើនីវ៉ូទឹកសមុទ្រ ភាគពាយព្យប្រទេសរុស្ស៊ី ហូរទៅកាន់សមុទ្រ Caspian Sea ប្រវែង ៣,៦៤៥ គីឡូម៉ែត្រ ដែលជាផ្លូវទឹកដឹកទំនិញដ៏សំខាន់ក្នុងប្រទេសរុស្ស៊ីផងដែរ។

9. ទន្លេ Mississippi

ទន្លេ Mississippi គេចាត់ទុកជាប្រព័ន្ធធារាសាស្ដ្រធំជាងគេបំផុតនៅអាមេរិចខាងជើង និងសហរដ្ឋអាមេរិចទាំងមូលប្រៀបដូចជាសរសៃឈាមអញ្ចឹង។ ទន្លេនេះចាប់ផ្ដើមហូរពីបឹង Itasca Lake ទៅដល់ឈូងសមុទ្រម៉ិចស៊ិចកូ New Orleans មានប្រវែង ៣,៧៣០ គីឡូម៉ែត្រ។ ទន្លេ Mississippi នេះក៏ជាផ្លូវជំនួញដ៏ធំមួយផងដែរក្នុងទ្វីបអាមេរិច ចាប់តាំងពីឆ្នាំ ១៨២០ មកម្ល៉េះ ដោយគេតែងតែផ្ទុកទំនិញតាមកប៉ាល់ដូចជា ឈើ កប្បាស ស្រូវ និងផលិតផលអាហារជាច្រើនទៀត។

10. ទន្លេ Sepik

ទន្លេដែលវែងបំផុតក្នុងប្រទេស New Guinea គឺទន្លេ Sepik នេះតែម្ដង វាមានរូបរាងកាច់កោងដូចពស់ និងហ៊ុំព័ទ្ធដោយព្រៃស្រដៀងនឹងទន្លេ Amazon ដែរ ថែមទាំងមានជនជាតិភាគតិចរស់នៅយ៉ាងច្រើនទៀតផងតាមបណ្ដោយទន្លេនេះ។ ទន្លេនេះមានប្រវែង ១,១២៦ គីឡូម៉ែត្រ ប៉ុន្តែវាមិនមានច្រាំងដីសណ្ដរដូចជាទន្លេដទៃទៀតនោះទេ ចំណែកទំហំទន្លេនៃអាងស្ដុកទឹករបស់វាគឺទំហំ ៨០,៣២១ គីឡូម៉ែត្រការ៉េ ដោយអំណោយផលល្អសម្រាប់ប្រទេសទាំងមូល។