5G នឹងជួយឲ្យក្រុមហ៊ុន Apple រកចំណូលបាន 1 ពាន់លានដុល្លារម្តងទៀត!

ដូចដែលយើងបានដដឹងស្រាប់រួចមកហើយថា ភាគហ៊ុនរបស់ Apple កំពុងតែមានការស្រកចុះ មិនឡើងខ្លាំងនោះទេ បើធៀបជាមួយប៉ុន្មានឆ្នាំមុនៗ នេះដោយសារតែចំនួននៃការលក់ iPhone និងផលិតផលនានាក៏មានការថយចុះច្រើន។

បើតាមប្រភពមួយបានឲ្យដឹងថា Apple នឹងមិនបានពាំនាំយកបច្ចេកវិទ្យា 5G មកបំពាក់នៅលើ iPhone ដែលនឹងចេញនៅក្នុងខែកញ្ញាខាងមុខនេះទេ ប៉ុន្តែផ្ទុយទៅវិញ iPhone 5G នឹងបង្ហាញវត្តមាននៅក្នុងឆ្នាំ 2020 ឯណោះ។ មូលហេតុនេះ បានធ្វើឲ្យអ្នកវិភាគភាគហ៊ុនមួយចំនួន បានយល់កាន់តែច្បាស់ និងអាចស្មានដឹងពីគម្រោងរបស់ក្រុមហ៊ុន Apple

នៅក្នុងកំណត់ត្រាថ្មីមួយ ក្រុមអ្នកវិភាគសម្រាប់ធនាគារវិនិយោគ Raymond James បានធ្វើការបង្កើនការប៉ាន់ប្រមាណតម្លៃរបស់ក្រុមហ៊ុន នៅលើក្រុមហ៊ុន Apple ទៅលើគម្រោងនៃការតភ្ជាប់ នៃបច្ចេកវិទ្យារបស់ Apple សម្រាប់ iPhone ជំនាន់ក្រោយ។ ពួកគេបានលើកឡើងថា iPhone នៅក្នុងឆ្នាំនេះ អាចនឹងធ្វើឲ្យអតិថិជនខកចិត្តជាថ្មីម្តងទៀត។ ព្រោះក្រៅពីបង្កើតគុណភាពកាមេរ៉ា និងកម្លាំងម៉ាស៊ីនបន្តិចបន្តួច នឹងគ្មានអ្វីថ្មី ឬពិសេសទៀតឡើយ។

លោក Chris Caso អ្នកវិភាគរបស់ Raymond James បានសរសេរការវិភាគរបស់លោកនៅក្នុងកំណត់ត្រាមួយថាការត្រួតពិនិត្យថ្មីៗរបស់យើង បានបង្ហាញថាក្រុមហ៊ុន Apple មានគម្រោងនាំយកបច្ចេកវិទ្យា 5G ទៅបំពាក់លើ iPhone ម៉ូឌែលធំៗ ដែលនឹងគ្រោងចេញនៅឆ្នាំក្រោយ។អាចនឹងមិនច្បាស់ដែរ ថាលោក Caso សរសេរនេះ ដោយមានប្រភពខ្លួនឯង ឬដោយសម្រង់ប្រភពពីអ្នកដទៃឡើយ។

កាលពីខែមុន អ្នកវិភាគពីក្រុមហ៊ុន Apple ដ៏ល្បីល្បាញម្នាក់ដែរលោក Ming Chi Kuo នៃក្រុមហ៊ុនមូលបត្រ TF International ក៏បាននិយាយដូចគ្នាដែរថា Apple នឹងនាំយក 5G ទៅបំពាក់លើ iPhone នៅក្នុងឆ្នាំ 2020 ដោយ 5G នៅលើ iPhone នោះ នឹងនាំយកនូវល្បឿនដោនឡូតលឿនជាង 4G ទ្វេដងឯណោះ។

ដោយសារតែលទ្ធផលនៃការសម្រេចរបស់ 5G Mania, លោក Caso ពី Raymond James បានគិតថាភាគហ៊ុនរបស់ក្រុមហ៊ុន Apple នឹងឡើងដល់ $250 នៅលើវត្តមាន iPhone 5G បើផ្ទឹមនឹងបច្ចុប្បន្ន Apple Trading មានត្រឹមតែ $205.66 ប៉ុណ្ណោះ គឺនឹងឡើងដល់ទៅ 22% ឯណោះ។ នេះអាចបញ្ជាក់បានថា Apple នឹងធ្វើឲ្យទីផ្សារភាគហ៊ុនរបស់ខ្លួនកាន់តែប្រសើរឡើងច្រើននៅពេលខាងមុខ បើធៀបនឹងឆ្នាំនេះ។

កត្តានេះអាចនឹងជះឥទ្ធិពលនៃការរុញក្រុមហ៊ុន Apple អាចរកចំណូលបានលើសពី 1ពាន់លានដុល្លារផងដែរ។ សម្រាប់ពេលបច្ចុប្បន្នក្រុមហ៊ុននេះមានត្រឹមតែប្រមាណ 946.25 លានដុល្លារប៉ុណ្ណោះ។ លោក Caso បានបន្ថែមថា iPhone នៅក្នុងឆ្នាំនេះ អាចនឹងនាំមកការខកចិត្តច្រើនសម្រាប់អតិថិជនរបស់ផ្លែប៉ោម ប៉ុន្តែកុំភ្លេចថា Apple មាន Backup Plan រួចរាល់ហើយ ដែលឆ្នាំនេះ អាចនឹងត្រឹមស្រង់ដើមឲ្យរួចខ្លួន ហើយសម្រាប់ឆ្នាំក្រោយនឹងលែងមួយទំហឹងតែម្តង។

យោបល់របស់អ្នកវិភាគរូបនេះ អាចជាភស្តុតាងបានកាន់តែច្បាស់ថា iPhone ដែលចេញនៅក្នុងឆ្នាំ 2019 នេះ នឹងមិនមែនអ្វីពិសេសជាងឆ្នាំមុនច្រើនឡើយ ដោយមិនសូវជាមានអ្វីផ្លាស់ប្តូរខ្លាំង ដែលគួរជាទីកត់សម្គាល់។