សណ្ឋាគារ ភ្ជាប់មកជាមួយម៉ាស៊ីន Simulator ដូចក្បាលយន្តហោះ ចាប់បើកដំណើរការជាលើកដំបូងនៅជប៉ុន

ជប៉ុន អាចជាប្រទេសចម្លែក ដែលរឿងមិនគួរកើតមានឡើង កើតឡើង ហើយក៏ធ្វើឲ្យមហាជនមានភាពភ្ញាក់ផ្អើលផងដែរ ទៅលើសេវាកម្មប្លែកៗ ដែលប្រទេស និងប្រជាជនផ្ដល់ជូន បើទោះបីជាសេវាពិសេសៗខ្លះៗ មិនបានអនុញ្ញាតឲ្យបម្រើដល់ជនជាតិផ្សេង ក្រៅពីជនជាតិជប៉ុនក៏ដោយ តែក៏នៅមានសេវាកម្មផ្សេងៗទៀតជាច្រើន ដែលអាចឲ្យមហាជនបើកភ្នែក ហើយងើយឆ្ងល់បាន ថាតើមកពីមូលហេតុអ្វី។ ជាក់ស្ដែងដូចសណ្ឋាគារ មួួយនេះអញ្ចឹង ដែលមានលក្ខណៈពិសេសត្រង់ថា វាបានបំពាក់មកជាមួយនឹងម៉ាស៊ីន Simulator អនុញ្ញាតឲ្យអតិថិជនលេងបើកយន្តហោះ ដែលមានអេក្រង់ ៤ កៅអីពីរ។

សណ្ឋាគារចម្លែក ដែលមានផ្គត់ផ្គង់សេវាកម្មម៉ាស៊ីន បែបក្បាលយន្តហោះនោះមានឈ្មោះហៅជាផ្លូវការថា The Haneda Excel Hotel Tokyu បានបើកសម្ភោធជាផ្លូវការកាលពីថ្ងៃព្រហស្បត្តិ៍កន្លងទៅ ជាមួយនឹងបទពិសោធន៍មិនធ្លាប់មានពីមុនមកក្នុងទីផ្សាររបស់ជប៉ុន។ យោងតាមប្រភពព័ត៌មានអន្តរជាតិបានឲ្យដឹងថា ម៉ាស៊ីន Simulator ដែលដើរតួរដូចទៅនឹងក្បាលយន្តហោះនោះ ត្រូវបានរៀបចំយ៉ាងពិសេស ជាប្រភេទក្បាលយន្តហោះពពួក Boeing 737-800 អាចឲ្យអ្នកស្នាក់នៅ គេងនៅក្នុងបន្ទប់នោះ ប្រៀបបានដូចជាពួកគេកំពុងគេងក្នុងយន្តហោះខ្នាតយក្សអញ្ចឹងដែរ តែបទបញ្ជាផ្ទៃក្នុងរបស់សណ្ឋាគារ គឺមិនត្រូវបានអនុញ្ញាតឲ្យភ្ញៀវប្រើប្រាស់វាឡើយ ស្ថិតក្នុងកំឡុងពេលស្នាក់នៅ។ 

សម្រាប់តម្លៃស្នាក់នៅក្នុងមួយយប់មានចាប់ពីតម្លៃ ២៥,៣០០ យេនឡើងទៅ ឬស្មើនឹង ២៣៥ ដុល្លារអាមេរិក សម្រាប់គ្រែពីរ។ ដោយឡែក សម្រាប់ភ្ញៀវដែលចង់សាកល្បងប្រើប្រាស់ម៉ាស៊ីន Simulator នោះត្រូវចំនាយប្រាក់ផ្សេងទៀតចំនួន ២៧៨ ដុល្លារអាមេរិក ដើម្បីសិក្សា និងរៀនអំពីរបៀបប្រើប្រាស់ ដែលត្រូវធ្វើការសាកល្បងប្រើប្រាស់ចំនួន ៩០ នាទីសិបទី ដែលសាកល្បងហោះហើរពីតំបន់ Haneda ទៅកានអាកាសយាន្តដ្ឋាន Itami Airport នៅក្នុងទីក្រុង Osaka។ គួរបញ្ជាក់ផងដែរថា បន្ទប់សណ្ឋាគារ គ្រែពីរ ជាមួយគ្រឿងសង្ហាររឹមផ្សងៗ រួមមាន ក្បាលម៉ាស៊ីន Simulator នោះត្រូវចំនាយប្រាក់សាងសង់ជិត ១០ ម៉ឺនដុល្លារអាមេរិក នេះបើយោងតាមសម្ដីរបស់ម្ចាស់សណ្ឋាគារ ដែលបានប្រាប់ទៅកាន់សារព័ត៌មាន CNN កន្លងទៅនេះ។