កាលពីថ្ងៃទី៣០ ដល់ ៣១ ខែមករា ឆ្នាំ២០២៣ កន្លងទៅនេះ ក្រសួងវប្បធម៌ និងវិចិត្រសិល្បៈ បានបើកកិច្ចប្រជុំមួយ ដែលមានការអញ្ជើញ ដឹកនាំដោយ ដឹកនាំដោយ ឯកឧត្តម ច្រឡឹង សុមេធា អគ្គនាយករងគ្រប់គ្រង ឧស្សាហកម្មទេសចរណ៍ និងជាអគ្គលេខាធិការរង នៃគណៈកម្មាធិការជាតិ វាយតម្លៃទីក្រុងស្អាត ស្តីអំពី ការចុះពិនិត្យទីតាំង និងសិក្សារៀបចំបង្កើតសៀគ្វី និងខ្សែធ្វើដំណើរទេសចរណ៍ បេតិកភណ្ឌពិភពលោក នៅខេត្តព្រះវិហារ ដែលរៀបចំដោយ ក្រសួងទេសចរណ៍ សហការជាមួយ មន្ទីរទេសចរណ៍ខេត្តព្រះវិហារ។

ក្នុងកិច្ចប្រជុំនេះ ក៏មានការចូលរួមពី លោក ហេង សំរិទ្ធ ប្រធាននាយកដ្ឋាន អភិវឌ្ឍន៍ទេសចរណ៍ នៃអាជ្ញាធរជាតិព្រះវិហារ និងប្រធានមន្ទីរទេសចរណ៍ ខេត្តព្រះវិហារ អនុប្រធានមន្ទីរវប្បធម៌ និងវិចិត្រសិល្បៈខេត្តព្រះវិហារ មន្រ្តីក្រសួងទេសចរណ៍ មន្ត្រីនាយកដ្ឋានអភិវឌ្ឍន៍ទេសចរណ៍ មន្ត្រីមន្ទីរទេសចរណ៍ ខេត្តព្រះវិហារសរុបចំនួន ១៣នាក់ផ្សេងទៀតផងដែរ។ កិច្ចប្រជុំនេះ ត្រូវបានធ្វើឡើង ក្នុងគោលបំណងប្រមូល ព័ត៌មានទេសចរណ៍ពី តំបន់បេតិកភណ្ឌពភពលោក និងតំបន់រមណីយដ្ឋាន ទេសចរណ៍សំខាន់ៗ ក្នុងខេត្តព្រះវិហារ ដើម្បីចងក្រងជា ឯកសារសៀគ្វី និងខ្សែធ្វើដំណើរទេសចរណ៍ ក្នុងតំបន់បេតិកភណ្ឌពិភពលោក។

តាមរយៈកិច្ចប្រជុំនេះ កម្ពុជារំពឹងថា នឹងអាចជម្រុញកំណើន ភ្ញៀវទេសចរ នៅតាមតំបន់ បេតិកភណ្ឌពិភពលោកទាំងបី និងគោលដៅទេសចរណ៍ ក្នុងព្រះរាជាណាចក្រកម្ពុជា ឲ្យបានកាន់តែច្រើន បន្ថែមទៀត។ គួរបញ្ជាក់ថា ក្រោយបិទបញ្ចប់កិច្ចប្រជុំ មន្រ្តីនាយកដ្ឋាន អភិវឌ្ឍន៍ទេសចរណ៍ និងអនុប្រធានមន្ទីរទេសចរណ៍ បានជូនដំណើរថ្នាក់ដឹកនាំ ក្រសួងទេសចរណ៍ទៅទស្សនកិច្ចផ្ទាល់ នៅសារមន្ទីរធម្មជាតិសកល សម្តេចតេជោហ៊ុន សែន ព្រះវិហារ រមណីយដ្ឋានប្រាសាទព្រះវិហារ និងរមណីយដ្ឋានប្រាសាទកោះកេរ ជាដើម។