ផ្សារលក់ទំនិញគ្រឿងសំណង់ និងសម្ភារៈបរិក្ខារក្នុងផ្ទះដ៏ទំនើបៗគ្រប់ប្រភេទដែលធំជាងគេបង្អស់នៅកម្ពុជាឈ្មោះ Global House បានបើកសម្ពោធជាផ្លូវការហើយនាព្រឹកថ្ងៃទី 01 ខែធ្នូ ឆ្នាំ2018 កន្លងទៅនេះដោយមានការចូលរួមយ៉ាងខ្ពង់ខ្ពស់ក្រោមអធិបតីភាព ឯកឧត្តម ជា សុផារ៉ា ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់ ព្រមទាំងភ្ញៀវកិត្តិយសជាច្រើនរូបទៀត។
Global House ជាផ្សារដ៏ធំតែមួយគត់មានទីតាំងស្ថិតនៅភូមិប៉ាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ គួរបញ្ចាក់ផងដែរថា វាជាការវិនិយោគរួមគ្នារវាងក្រុមហ៊ុនក្នុងស្រុក LYP Group របស់មហាសេដ្ឋីពហុជំនួញអ្នកឧកញ៉ា លី យ៉ុងផាត់ និងក្រុមហ៊ុនថៃ Siam ដែលបានបោះទុនវិនិយោគជាង 10 លានដុល្លារអាមេរិក និងសាងសង់លើផ្ទៃដីជិត 10 ហិចតារួមទាំងមានលក់ទំនិញជាង 10 ម៉ឺនមុខឯណោះ។ ទំនិញទាំងអស់នេះបាននាំចូលពីបណ្តាក្រុមហ៊ុនធំៗ លើសកលលោកមកដាក់លក់ ក្នុងហាងតែមួយ ដែលវាកាន់តែផ្តល់ភាពងាយស្រួល ចំណេញពេលវេលា និងទទួលបានតម្លៃថោកសមរម្យសម្រាប់អតិថិជនគ្រប់ៗរូប។ អ្វីដែលកាន់តែពិសេសនោះវាបានឈរជើងនៅលើទីផ្សារអស់រយៈពេលប្រមាណ 20 ឆ្នាំមកហើយ ថែមទាំងបានពង្រីកសាខារបស់ខ្លួនរហូតដល់ទៅជាង 60 សាខាទូទាំងប្រទេសថៃ នឹងបានបោះជំហ៊ានក្រៅប្រទេសជាលើកដំបូងរបស់ខ្លួនមកកាន់ទឹកដីកម្ពុជានៅចុងឆ្នាំ 2018 នេះ។
សម្រាប់អតិថិជនដែលមានចំណាប់អារម្មណ៍ និងស្វែងរកនូវផលិតផលដែលមានគុណភាពខ្ពស់ តម្លៃថោកសមរម្យនោះលោកអ្នកអាចអញ្ជើញមកទទួលយកគ្រឿងសម្ភារៈទាំងអស់នេះបាននៅ Global House ឬក៏អាចទាក់ទងតាមរយៈលេខទូរស័ព្ទ 023 232 232៕
អត្ថបទថ្មីៗ ចុងក្រោយ
អត្ថបទពេញនិយម
