បុគ្គលមានទ្រព្យសម្បត្តិ ច្រើនបំផុតលើលោក សុទ្ធសឹងតែជាអ្នកមានឥទ្ធិពល លើជំនួញ ផលិតផល សេវាកម្ម និងបច្ចេកវិទ្យា ដែលយើងកំពុងប្រើប្រាស់ប្រចាំថ្ងៃ។ ពួកគាត់សុទ្ធសឹងតែជាអ្នកបង្កើតផលិតផលថ្មីៗ ផ្លាស់ប្ដូរពិភពលោក បង្កើតអ្វីដែលមនុស្សជាតិត្រូវការ ហើយពួកគាត់សាកសមនឹង ទទួលបាននូវទ្រព្យសម្បត្តិមហាសាលទាំងនោះ។ ដូចនេះ យើងនឹងស្គាល់ បុគ្គលដែលមានទ្រព្យសម្បត្តិ ច្រើនបំផុតលើលោក ក្នុងឆ្នាំ២០២៤។

១. លោក Elon Musk

មានសញ្ជាតិអាហ្វ្រិកខាងត្បូង អាយុ ៥២ លោក Elon Musk មានទ្រព្យសម្បត្តិប្រមាណ ២១៤,១ ពាន់លានដុល្លារ ជាស្ថាបនិកនៃក្រុមហ៊ុន SpaceX, Tesla, The Boring Company, PayPal, X ឬ Twitter និង Neuralink។ ក្រុមហ៊ុនអាជីវកម្មរបស់លោក Elon Musk ភាគច្រើនផ្ដោតទៅលើ បច្ចេកវិទ្យា វិទ្យាសាស្ត្រ យានយន្ដ និងបណ្ដាញទំនាក់ទំនងសង្គម។

២. លោក Jeff Bezos

លោក Jeff Bezos មានសញ្ជាតិអាមេរិច អាយុ ៦០ ឆ្នាំ ជាស្ថាបនិកក្រុមហ៊ុន Amazon ជាក្រុមហ៊ុនបច្ចេកវិទ្យាបម្រើសេវាកម្ម ពាណិជ្ជកម្មតាមអេឡិចត្រូនិក ឬ E-commerce លោកមានទ្រព្យសម្បត្តិសរុបជាង ២០០ ពាន់លានដុល្លារ ជាបុគ្គលមានឥទ្ធិពលមួយរូប លើទីផ្សារលក់ទំនិញជុំវិញពិភពលោក។

៣.  លោក Bernard Arnault

មានសញ្ជាតិបារាំង អាយុ ៧៥ ឆ្នាំ លោក Bernard Arnault ជាស្ថាបនិកក្រុមហ៊ុន LVMH ជាក្រុមហ៊ុនផ្តោតសំខាន់លើ ម៉ូតសម្លៀកបំពាក់ ដូចជាយីហោ Luis Vuitton, Dior, Hennessy, Fendi, Tiffany & Co -ល-។ លោក Bernard Arnault មានទ្រព្យសម្បត្តិជិត ១៩៣ ពាន់លានដុល្លារ ជាមហាសេដ្ឋីកំពូល នៅប្រទេសបារាំង។

៤. លោក Larry Ellison

លោក Larry Ellison មានសញ្ជាតិអាមេរិច អាយុ ៧៩ ឆ្នាំ ជាស្ថាបនិកនៃក្រុមហ៊ុន Oracle ដែលបម្រើសេវាកម្ម Software លើឧបករណ៍អេឡិចត្រូនិក និងបច្ចេកវិទ្យា Cloud ប្រើប្រាស់លើម៉ាស៊ីនកុំព្យូទ័រខ្នាតធំ។ លោក Larry Ellison មានទ្រព្យសម្បត្តិប្រមាណ ១៧៦,១ ពាន់លានដុល្លារ។

៥. លោក Mark Zuckerberg

លោក Mark Zuckerberg មានសញ្ជាតិអាមេរិច វ័យ ៤០ ឆ្នាំ ជាស្ថាបនិកក្រុមហ៊ុន Meta ដែលបម្រើសេវាកម្មលើ បណ្ដាញទំនាក់ទំនងសង្គម និងបច្ចេកវិទ្យា ដូចជា Facebook, Instagram, Whatsapp, Messenger, Thread និង Metaverse។ លោក Mark Zuckerberg មានទ្រព្យសម្បត្តិប្រមាណ ១៧៥,១ ពាន់លានដុល្លារ និងជាបុគ្គលមានឥទ្ធិពល លើការគ្រប់គ្រងបណ្ដាញទំនាក់ទំនងសង្គម លើពិភពលោក។

៦. លោក Larry Page

លោក Larry Page មានសញ្ជាតិអាមេរិច អាយុ ៥១ ឆ្នាំ ជាស្ថាបនិកក្រុមហ៊ុន Google ដែលជាក្រុមហ៊ុនបច្ចេកវិទ្យា IT និងពាណិជ្ជកម្ម បច្ចុប្បន្ន មានក្រុមហ៊ុនបុត្រសម្ព័ន្ធ ដូចជា YouTube, Google, Fitbit, Firebase, Google AI, និង Android ជាដើម។ លោក Larry Page មានទ្រព្យសម្បត្តិប្រមាណ ១៤៤,៨ ពាន់លានដុល្លារ។

៧. លោក Sergey Brin

លោក Sergey Brin មានសញ្ជាតិរុស្ស៊ី អាយុ ៥០ ឆ្នាំ លោកជាអ្នកវិទ្យាសាស្ត្រកុំព្យូទ័រ និងជាអ្នកជំនួញ និងជាសហស្ថាបនិកក្រុមហ៊ុន Google។ គាត់ក៏មានក្រុមហ៊ុនផ្ទាល់ខ្លួន ឈ្មោះថា Bayshore Capital Management នៅប្រទេសសិង្ហបុរី វិនិយោគលើហិរញ្ញវត្ថុ អចលនទ្រព្យ សេវាកម្ម និងបច្ចេកវិទ្យា។ លោក Sergey Brin មានទ្រព្យសម្បត្តិសរុប ១៣៨,៧ ពាន់លានដុល្លារ។

៨. លោក Warren Buffett

លោក Warren Buffett មានសញ្ជាតិអាមេរិច អាយុ ៩៣ ឆ្នាំ គឺជាស្ថាបនិកក្រុមហ៊ុន Berkshire Hathaway ដែលជាក្រុមហ៊ុនហិរញ្ញវត្ថុ ភាគហ៊ុន ធានារ៉ាប់រង និងសេវាកម្មចម្រុះផ្សេងទៀត។ លោក Warren Buffett ជាបុគ្គលល្បីល្បាញមួយលើផ្នែកហិរញ្ញវត្ថុ និងជាអ្នកនិពន្ធសៀវភៅផងដែរ លោកមានទ្រព្យសម្បត្តិសរុប ១៣៤,៣ ពាន់លានដុល្លារ។

៩. លោក Bill Gates

លោក Bill Gates មានសញ្ជាតិអាមេរិច អាយុ ៦៨ ឆ្នាំ ជាស្ថាបនិកក្រុមហ៊ុន Microsoft ដែលផ្ដោតលើ សេវាកម្មប្រព័ន្ធកុំព្យ័ទ័រ និងបច្ចេកវិទ្យា Software ដែលមានក្រុមហ៊ុនបុត្រសម្ព័ន្ធដូចជា Microsoft 365, Xbox, Windows, Surface និង Azure ជាដើម។ លោក Bill Gates ជាបុគ្គលមានឥទ្ធិពលបំផុតមួយ លើប្រព័ន្ធប្រតិបត្តិការកុំព្យូទ័រ និងមានទ្រព្យសម្បត្តិជាង ១៣៣,៦ ពាន់លានដុល្លារ។

១០. លោក Steve Ballmer

លោក Steve Ballmer អាយុ ៦៨ ឆ្នាំ មានសញ្ជាតិអាមេរិច ជាអតីតនាយកប្រតិបត្តិក្រុមហ៊ុន Microsoft ហើយបច្ចុប្បន្នជាស្ថាបនិកក្រុមហ៊ុន Ballmer Group ដែលជាក្រុមហ៊ុនវិនិយោគ និងជំនួញ ដោយសារតែ លោកស្រលាញ់វិស័យកីឡា និងហ្គេម លោកបានបង្កើតក្រុមហ៊ុន Xbox និងបានទិញក្រុមកីឡាបាល់បោះ Los Angeles Clippers នៅក្នុងតម្លៃ ២ ពាន់លានដុល្លារ។ លោក Steve Ballmer ស្ថិតក្នុងចំណោមបុគ្គល មានទ្រព្យសម្បត្តិច្រើនបំផុត លើលោក ជាមួយទ្រព្យសម្បត្តិសរុប ១៣០,៦ ពាន់លានដុល្លារ។

ប្រភព៖ Forbes